surdas ke pad,bharam geet,surdas in hindi

पहिले करि परनाम नन्द सों समाचार सब दीजो /

और वहाँ ब्रिशभानु गोप सों जाय सकल सुधि लीजो /

श्रीदामा आदिक सब ग्वालन मेरे हुतो भेटियो /

सुख सन्देश सुनाय हमारो गोपिन को दुःख मेटियो /

मंत्री इक बन बसत हमारो  ताहि मिले सचु पाइयो //

सावधान व्हे मेरे हूतो ताहि ताहि माथ नवायियो/

सुन्दर परम किसोर बयक्रम चंचल नयन बिसाल /

कर मुरली सिर मोर पंख पीताम्बर उर बनमाल //

जनि डरियो तुम सघन बनन में ब्रजदेवी रखवार /

ब्रंदावन सो बसत निरंतर कबहुँ न होत नियार //

उद्धव प्रति सब कही स्यामजू अपने मान की प्रीति /

सूरदास किरपा करि पठए यहै सकल ब्रजरीति //

सोरठा example, raag sorath

• google kya jane detail me click here
• Rojgar Result
• Kabir Ke Dohe
• Ras Kise Kahate hai

कहियों नंद कठोर भए /

हम दोऊ बीरें डारि परघरें मनो थाती सौंपि गए //

तनक तनक तैं पालि बड़े किये बहुतै सुख दिखराए /

गोचारन को चलत हमारे पीछे कोसक धाये //

ये बासुदेव देवकी हमसों कहत आपने जाए /

बहुरि विधाता जसुमति जू के हमहिं न गोद खिलाये //

कौन काज यह राज, नगर को सब सुख सों सुख पाए ?

सूरदास ब्रज समाधान करू आजू काल्हि हम  आये //

rag bilawal, सूर meaning

तबहि  उपन्गसुत आय गए /

सखा सखा कछु अंतर नाही भरि-भरि अंक लए //

अति सुन्दर तन स्याम सरीखो देखत हरि पछिताने /

ऐसे को वैसी बुधि होती ब्रज पठवै तब आने //

या आगे रस-काव्य प्रकासे जोग -बचन प्रगतावे /

सूर ज्ञान याके दृढ़ हिरदय जुबतिन जोग सिखावै //

what is ubuntu

rag bilawal

हरि गोकुल की प्रीति चलाई /

सुनहु उपंगसुत मोहिं न बिसरत ब्रजवासी सुखदायी //

यह चित होत जाऊं मैं अबहीं,यहाँ नहीं मन लागत /

गोप सुग्वालन गाय बन चारत अति दुख पायो त्यागत /

कहँ माखनचोरी ? कहँ जसुमति पूत जेंव करि प्रेम /

सूर स्याम के बचन सहित मुनि व्यापत आपन नेम //

ramkali

जदुपति लख्यो तेहि मुसकात /

कहत हम मन रही जोई सोई भई यह बात //

बचन परगट करन लागे प्रेमकथा चलाय /

सुनहु उद्धव मोहि ब्रज की सुध नहीं बिसराय//

रेनि सोवत ,चलत,जागत लगत नहीं मन आन /

नंद जसुमति नारि नर ब्रज जहाँ मेरो प्रान //

कहत हरि,सुनि उपंगसु ! यह कहत हौ रसरीति /

सूर चित तें टरति नाहीं राधिका की प्रीति //

raag sarang

सखा ! सुनो मेरी इक बात /

वह लतागन संग गोपिन सुधि करत पछितात //

कहाँ वहइ ब्रशभानुतनया परम सुन्दर गात /

सुरति आए रासरस की अधिक जिय अकुलात //

सदा हित यह रहत नाहीं सकल मित्थ्याजात /

सूर प्रभु सुनौ मोसों एक ही सों नात //

raag todi, सूर meaning

उद्धव ! यह मन निश्चय जानो /

मन क्रम बच मैं तुम्हैं पठावत ब्रज को तुरत पलानो //

पूरन ब्रह्म, सकल,अविनाशी ताके तुम हो ज्ञाता /

रेख,न रूप,जाति,कुल नाहीं जाके नहिं पितु माता//

यह मत दे गोपिन कहू आवहु बिरह नदी में भासित /

सूर तुरत यह जाय कहौ तुम ब्रह्म बिना नहिं आसति //

raag nat

उद्धव ! बेगि ही ब्रज जाहु /

सुरति सन्देश सुनाय मेटो बल्लभिन को दाहु //

काम पावक तूलमय तन बिरहु-स्वास समीर /

भसम नाहिन होन पावत लोचन के नीर //

अजौं लौं यदि भांति व्हैहे कछुक सजग सरीर /

इते पर बिनु समाधानों क्यों धरै तिय धीर //

कहों कहा बनाय तुमसों सखा साधु प्रवीन ?

सूर सुमति बिचारिये क्यों जिएं जल बिनु मीन //

raag sarang , soordas ji

पथिक ! संदेशों कहियो जाय /

आवेंगे हम दोनों भैया , मैया जनि अकुलाय //

याको बिलगु बहुत हम मान्यो जों कहि पठयो धाय /

कहँ लौं कीर्ति मानिए तुम्हरी बड़ो कियो पय प्याय //

कहयो जाय नंद बाबा सों , अरु गहि पकरयो पाय /

दोऊ दुखी होन नहिं पावहिं घूमरि धौरी गाय //

यद्धपि मथुरा बिभव बहुत है तुम बिनु कछु न सुहाय /

सूरदास ब्रजबासी लोगनि भेटति ह्रदय जुडाय //